Կոչ եմ անում, որևէ պարագայում չմասնակցել տիրադավ հոգևորականների, իսկ իրականում՝ ուժային կառույցների կողմից կազմակերպված այսօրվա արշավին

Սիրելի՛ հայրենակիցներ,

Հայ Առաքելական Սուրբ Եկեղեցու դեմ իշխանությունների կողմից իրականացվող թշնամական արշավը շարունակվում է։

Ավելին՝ այսօր նախատեսվող արշավը դեպի Մայր Աթոռ Սուրբ Էջմիածին, որը իրականացվում է տիրադավ հոգևորականների ձեռամբ, ազգային խայտառակության բացառիկ դրսևորում է։

Եկեղեցու դեմ այս պայքարն ունի հստակ նպատակ՝ վնասել և թուլացնել ազգային արժեքները, ջլատել հայ հասարակությանը՝ համահունչ թշնամական պետությունների պահանջներին։

Այս ամենը տեղի է ունենում միջազգային հանրության լուռ համաձայնության ներքո՝ հակասելով ժողովրդավարական արժեքներին և Հայաստանի Հանրապետության Սահմանադրությանը։

Միջազգային ժողովրդավարության վախճանն այլևս իրականություն է և մենք ինքներս պետք է ստեղծենք իրական ժողովրդավարություն՝ հայկական ժողովրդավարություն։

Սիրելի՛ ժողովուրդ,

Կոչ եմ անում, որևէ պարագայում չմասնակցել տիրադավ հոգևորականների, իսկ իրականում՝ ուժային կառույցների կողմից կազմակերպված այսօրվա արշավին։ Հիմա, առավել քան երբևէ, մեզ պետք է համերաշխություն, միասնություն, ուժ և հավատ՝ հաղթահարելու այս իրավիճակը և դիմակայելու երկրի առջև ծառացած մարտահրավերներին։

Հայ Առաքելական Սուրբ Եկեղեցու դեմ դուրս եկած հոգևորականներին հորդորում եմ վերաիմաստավորել իրենց առաքելությունը, դադարեցնել հակաեկեղեցական վարքագիծը և եկեղեցու խնդիրները քննարկել բացառապես եկեղեցու ներսում՝ առանց հանրային ու պառակտիչ դրսևորումների։

Աստված պահապան հայ ժողովրդին։

Մանե Թանդիլյան