Մի քանի օր առաջ ԱԺ պատգամավորներից յուրաքանչյուրի հաշվին ավելի քան 3 միլիոն դրամ է փոխանցվել: Պատգամավորներին չեն պարզաբանել, թե ինչ գումար է, ինչու այդքան շատ:
«Հրապարակ» թերթը գրում է․ Որպես կանոն, տարեվերջին պետական գերատեսչություններում, այդ թվում՝ խորհրդարանում, աշխատակիցները, պատգամավորները, այսպես կոչված, 13-րդ աշխատավարձ են ստանում, եւ պատգամավորների դեպքում` դեկտեմբերի աշխատավարձի հետ դա կազմում է մոտավորապես 1 միլիոն 200 հազար դրամ, դրան գումարած 500 հազար դրամ պատգամավորական գումարները:
Իսկ թե ինչ հաշվարկ է գործել այս տարի, որ գումարը եռապատկվել է` դժվար է ասել:
Հիշեցնենք, որ օրեր առաջ ԱԺ նախագահը աշխատակազմին պարգեւատրելու կարգադրություն էր ստորագրել:
Մենք ԱԺ նախագահի խոսնակից հետաքրքրվեցինք, թե արդյո՞ք այդ կարգադրությամբ են պատգամավորները 3 միլիոնից ավելի գումար ստացել, նա մեր հարցին պատասխանելու համար առաջարկեց գրավոր հարցում ներկայացնել։
Խորհրդարանում 107 պատգամավոր կա, այսինքն` 321 միլիոն դրամ պետական բյուջեից գումար է դուրս գրվել, ինչն ավելի քան 800 հազար դոլար է կազմում։
Բաց մի թողեք
Մայր Աթոռի վրա գրոհողներն ու լրագրողներին հարվածողները չեն պատժվի․ «հաղորդում չեն ստացել»
Ինչն է խանգարում ընդդիմադիրներին համագործակցության հուշագիր ստորագրել
1-2 տոկոս ձայնը նրանց համար արխիվի ուղեգիր է դառնալու