17/04/2024

«Մանկավարժականի» թունելում բախվել են ոստիկանական զորքերի ավտոբուսը, երկաթով բարձված Howo-ն, Ford-ն ու Opel-ը. Լուսանկար

Այսօր՝ փետրվարի 27-ին, շղթայական ավտովթար է տեղի ունեցել Երևանում:

Ժամը 14:50-ի սահմաններում Խանջյան փողոցից դեպի Ագաթանգեղոս փողոց՝ ժողովրդին հայտնի՝ «Մանկավարժականի» թունելում բախվել են երկաթե ամրաններով բարձված Howo մակնիշի բեռնատարը, Ford-ը, Opel-ն ու ՀՀ Ներքին գործերի նախարարության Ոստիկանության զորքերի հաշվեկշռում հաշվառված մարդատար ավտոբուսը:

Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ բարեբախտաբար տուժածներ չկան:

Վթարի փաստով ՊԾ Երևան քաղաքի գնդում փաստաթղթեր են ձևակերպվում , որտեղ էլ պարզվում են վարորդների ինքնությունը:

Ֆոտոլրագրողը հայտնում է, որ եթե պարեկները արագ չժամանեին և օպերատիվ չձևակերպեին վթարը, մի քանի ժամ Խանջյան փողոցում երթևկությունը վերածվելու էր «աջափսանդալի», սակայն կարճ ժամանակում նրանց հաջողվեց երթևեկությունը կարգավորել:

«Մանկավարժականի» թունելում բախվել են ոստիկանական զորքերի ավտոբուսը, երկաթով բարձված Howo-ն, Ford-ն ու Opel-ը