16/04/2024

26-ամյա վարորդը «Շեվրոլետ վոլտ»-ով բախվել է եռագույն դրոշի պատվանդանին, վնասվել է ևս 4 մեքենա. կա վիրավոր․ Լուսանկար

Այսօր՝ մարտի 1-ին, խոշոր ավտովթար է տեղի ունեցել Երևանում:

Ժամը 16:00-ի սահմաններում Երևանի բնակիչ 26-ամյա Սարգիս Ա.-ն իր վարած Chevrolet Volt մակնիշի ավտոմեքենայով Ռուբինյանց և Դավիթ Անհաղթ փողոցների հատման վայրում դեռևս անհայտ հանգամանքներում բախվել է ճամփեզրին տեղադրված եռագույն դրոշի բետոնե պատվանդանին:

Վթարի հետևանքով վարորդը մարմնական վնասվածքներով տեղափոխվել է Հերացու անվան թիվ 1 համալսարանական հիվանդանոց: Բետոնի հարվածից վնասվել են թույլատրելի հատվածում կայանված BMW, Opel, Toyota և Jeep մակնիշի ավտոմեքենաները:

Վթարի փաստով նախաձեռնվել է քրեական վարույթ, պարզվում են կայանված ու վնասված ավտոմեքենաների սեփականատերերի ինքնությունը:

May be an image of 8 people, car and text