ԵՄ դիտորդների թիվը կավելանա: Այս մասին Պետրոս Ղազարյանի հետ հարզացրուցում հայտարարեց ՀՀ Անվտանգության խորհրդի քարտուղար Արմեն Գրիգորյանը:
«Հայ-ադրբեջանական սահմանը շատ երկար է և այն ռեսուրսով, որն այս պահին ունի քաղաքացիական առաքելությունը, չի կարող պատշաճ աշխատանք իրականացնել:
Մենք գտնում ենք, որ ԵՄ քաղաքացիական առաքելությունն արդյունավետ աշխատանք է կատարում և ավելի մեծ կարողություններ պետք է ունենա էլ ավելի արդյունավետ աշխատանքի համար»,- ասաց ԱԽ քարտուղարը:
Հնարավո՞ր է նաև աշխարհագրությունը մեծանա՝ Պետրոս Ղազարյանի հարցին ի պատասխան, Արմեն Գրիգորյանը պատասխանեց.
«Աշխարհագրությունը միայն հայ-ադրբեջանական սահմանն է»:
ՌԴ-ից մեղադրանք է հնչում, որ այս առաքելությունը ոչ բարեկամական, թշնամական, լրտեսական գործունեություն է ծավալում ՌԴ-ի և Իրանի նկատմամբ: Հարցին ի պատասխան, ԱԽ քարտուղարը նկատեց՝ թե չի հասկանում, ինչու է ՌԴ-ն իր խնդիրները հասցեագրելու փորձի ընթացքում նաև այլ երկրների մասին խոսել:
«Նախ ՀՀ-Իրան սահմանին դիտորդական առաքելությունը ներկա չէ, և ես չեմ հասկանում ինչու են նման բան ասում: Միանշանակ է, որ նրանք միայն ներկա են Հայաստան-Ադրբեջան սահմանին և կայունություն են բերում տարածաշրջան, ինչը բխում է Հայաստանի շահերից:
Նաև չգիտեմ ինչպես կարող են Ռուսաստանին լրտեսություն անել: Ռուսաստանը կարող է ցանկացած մեղադրանք ներկայացնել: Փաստեր թող ներկայացնեն՝ քննարկենք»,- ասաց Արմեն Գրիգորյանը:
Բաց մի թողեք
Դեսպանը հերքել է Իրանի և Հայաստանի միջև ռազմական պայմանագրի մասին տեղեկությունը
Մասնագիտական խումբը որոշել է, որ համապատասխանում է ստանդարտներին. Ավանեսյանը՝ «Զարյա 3» նռնակների կիրառման մասին
Գեղարքունիքում սահմանազատման որևէ գործընթաց դեռ չկա. մարզպետ