Բունդեսվերի սպաների զրույցի բովանդակությունըևս մեկ անգամ ցույց է տալիս ուկրաինական հակամարտությանը արևմտյան երկրների ներգրավվածությունը։
Այս մասին այսօր՝ մարտի 4-ին, հայտարարել է Կրեմլի պաշտոնական ներկայացուցիչ Դմիտրի Պեսկովը։
«Ձայնագրությունն ինքնին հուշում է, որ բունդեսվերի պատերի ներսում բովանդակային և կոնկրետ քննարկվում են Ռուսաստանի Դաշնության տարածքում հարվածներ հասցնելու ծրագրերը։ Սա որևէ իրավական մեկնաբանություն չի պահանջում։ Այստեղ ամեն ինչ ավելի քան ակնհայտ է»,- ընդգծել է Պեսկովը։
Նա հույս է հայտնել, որ Ռուսաստանը կկարողանա ծանոթանալ Գերմանիայի իշխանությունների կողմից այս ձայնագրության ստուգման արդյունքներին, որը նախաձեռնել է կանցլեր Օլաֆ Շոլցը։
«Այստեղ մենք պետք է պարզենք, թե արդյոք Բունդեսվերը դա անում է իր նախաձեռնությամբ, ապա հարցն այն է, թե որքանով է վերահսկելի Բունդեսվերը և որքանով է պարոն Շոլցը վերահսկում այս իրավիճակը, թե՞ դա Գերմանիայի պետական քաղաքականության մի մասն է»,- ասել է Պեսկովը:
Նրա խոսքով՝ ռուսական կողմն արդեն «որոշակի դեմարշ» է արել՝ Մոսկվայում Գերմանիայի դեսպան Ալեքսանդր Լամբսդորֆին ԱԳՆ կանչելով։
Դեսպանն այսօր առավոտյան կանչվել է ՌԴ ԱԳՆ։ Հայտնի է, որ նա մեկ ժամից ավելի է անցկացրել նախարարությունում ու լքել այն՝ չպատասխանելով լրագրողների հարցերին։
«Իզվեստիա»-ին դիվանագիտական աղբյուրը հայտնել է, որ գերատեսչությունում Լամբսդորֆի հետ զրույցի ընթացքում, բացի զրույցի ձայնագրության քննարկումից, «բարձրացվել են նաև այլ հարցեր»։
Ավելի վաղ՝ մարտի 1-ին, հրապարակել էր գերմանական բանակի բարձրաստիճան պաշտոնյաների քննարկման ամբողջական սղագրությունը Ղրիմի կամրջին Taurus հրթիռային հարվածների մասին, որը, ըստ նրա, տեղի է ունեցել փետրվարի 19-ին։ Զրույցի ընթացքում զինվորականները քննարկել են Ուկրաինային Taurus հրթիռների մատակարարման հարցը։
Բաց մի թողեք
Տեխասում կալանավորվել է աշխարհի ամենաազդեցիկ նարկnբարnններից մեկը․ Լուսանկար
Թրամփը համաձայնել է Հարրիսի հետ բանավեճի՝ նշելով օրը
Ռազմական գործողությունները կարող են սրվել. Իսրայելի ԱԳ նախարարը՝ Լիբանանի հետ սահմանին էսկալացիայի հնարավորության մասին