21/07/2024

Ադրբեջանական բանակի զինծառայողը ինքնասպան է եղել

Շամքիրի զինվորական դատախազությունում տեղեկություն է ստացվել ՊՆ N զորամասի զինծառայող Մուսա Էխտիրամ օղլու Էյվազլիի ինքնասպանության մասին:

Այս մասին ասված է Ադրբեջանի զինդատախազության հայտարարության մեջ։

Ստացված տեղեկությունների համաձայն՝ դեպքի վայրից որպես իրեղեն ապացույց առգրավել են գործի համար կարևոր նշանակություն ունեցող առարկաներ։

Այս փաստի հիման վրա Շամքիրի զինվորական դատախազությունը քրեական գործ է հարուցել Ադրբեջանի քրեական օրենսգրքի համապատասխան հոդվածով, հարցաքննվել են վկաներ, նշանակվել՝ տարբեր փորձաքննություններ, կատարվել՝ անհրաժեշտ քննչական գործողություններ։

Նախաքննությունը շարունակվում է, բոլոր միջոցները կձեռնարկվեն օրենքով սահմանված կարգով։