13/07/2024

Բաքվի ագրեսիայի «նոր ծիլերը». Ադրբեջանի մեջլիսի պատգամավորը կրկին ռազմական գործողություն սկսելու կոչ է արել

Ադրբեջանի ագրեսիվ վարքագիծը նոր ծիլեր է տվել, այժմ էլ սկսել են ռազմական գործողության ու բռնության կոչեր հնչել երկրի խորհրդարանից:

Միլլի Մեջլիսի այսօրվա նիստում պատգամավոր Ֆազաիլ Աղամալին հայտարարել է, թե Ադրբեջանը պետք է նոր ռազմական գործողություն սկսի և «8 գյուղերը կցի իր հողերին»:

«Քանի դեռ Հայաստանը սպառազինված չէ, մենք պետք է ռազմական գործողություններ իրականացնենք և 8 գյուղերը կցենք մեր հողերին։ Կարծում եմ, որ իրադարձությունները լավագույնս չեն զարգանում։ Ես կոչ եմ անում թույլ չտալ Իրանի տարածքով Հայաստան զենքի մատակարարումը»,- ասել է Ֆազաիլ Աղամալին՝ հավելելով, թե Հայաստանը, դաշինք ստեղծելով Ֆրանսիայի և Հունաստանի հետ, փորձում է դրանք օգտագործել զինվելու նպատակով: