21/04/2024

Կարմիր ծովում կտրել են համաշխարհային ինտերնետ մալուխները. երբ ամբողջությամբ կվերականգնվի սոցցանցերի աշխատանքը

Խնդիրը «Ֆեյսբուք» և «Ինստագրամ» սոցիալական ցանցերում առաջացել է Կարմիր ծովում համաշխարհային ինտերնետն ապահովող մալուխների վնասման պատճառով։

Այս մասին հայտնել է հոնկոնգյան պրովայդեր HGC Global Communications Limited-ը։

Նշվում է, որ Կարմիր ծովում մալուխները վնասվել են Եմենի հութիների կողմից: Վնասված մալուխներին բաժին է ընկնում համաշխարհային տրաֆիկի 25 տոկոսը:

Այժմ հարձակման հետևանքները վերացվում են։

Որոշ կանխատեսումների համաձայն՝ մալուխներն ամբողջությամբ կվերականգնվեն միայն 8 շաբաթ անց։

Ավելի վաղ հայտնել էինք, որ «Ֆեյսբուք» սոցիալական ցանցի աշխատանքը որոշ ժամանակ խափանվել էր, հնարավոր չէր մուտք գործել անձնական հաշիվներ:

Սոցիալական ցանցի աշխատանքը վերականգնվել է, սակայն դեռևս կան որոշակի խնդիրներ:

«Meta» («Ֆեյսբուք») ընկերության հաղորդակցության տնօրենը գրառում է արել «X»-ի իր միկրոբլոգում։

«Մենք տեղյակ ենք՝ մեր ծառայությունների հասանելիությունը խնդիրներ է առաջացրել մարդկանց մոտ։ Մենք հիմա աշխատում ենք այդ ուղղությամբ»,- գրել է նա։

Ավելի վաղ հայտնել էինք, որ «Ֆեյսբուք» սոցիալական ցանցի աշխատանքը որոշ ժամանակ խափանվել էր, հնարավոր չէր մուտք գործել անձնական հաշիվներ:

Սոցիալական ցանցի աշխատանքը վերականգնվել է, սակայն դեռևս կան որոշակի խնդիրներ: