Հայաստանի Հանրապետությունն անկեղծորեն ցանկանում է հնարավորինս շուտ բացել պետական սահմանը Թուրքիայի հետ:
Այս մասին հայտարարել է Հայաստանի արտգործնախարար Արարատ Միրզոյանը՝ Անթալիայում մարտի 1-3-ը կայացած դիվանագիտական ֆորումի շրջանակում պատասխանելով հայ-թուրքական և հայ-ադրբեջանական հարաբերությունների կարգավորման գործընթացի վերաբերյալ թուրքական «Anadolu» գործակալության հարցերին։
Միրզոյանը շեշտել է, որ սահմանների բացումը ձեռնտու կլինիկողմերի համար:
Նրա խոսքով, հարաբերությունների զարգացումը, այդ թվում՝ տնտեսական, ձեռնտու կլինի առաջին հերթին հասարակ քաղաքացիներին, և «դա գիտեն Հայաստանի քաղաքացիների մեծ մասը։
Միրզոյանը նաև հավելել է, որ պատմական Անիի կամրջի վերականգնումը հարցականի տակ է: Նա հիշեցրել է, որ որոշ պայմանավորվածություններ են ձեռք բերվել սահմանամերձ շրջաններում ենթակառուցվածքների և ճանապարհների կառուցման վերաբերյալ։
«Որպես Հայաստանի Հանրապետություն՝ մենք անկեղծորեն ցանկանում ենք, որ պետական սահմանները հնարավորինս շուտ բացվեն, մենք ցանկանում ենք, որ դիվանագիտական հարաբերություններ հաստատվեն, ժողովուրդների ու մշակույթների միջև կապերը մեծանան»,-ասել է նախարարը:
Բաց մի թողեք
Հայաստանին էսկալացիոն հռետորաբանության մեջ ներքաշելու փորձերն անընդունելի են. ՀՀ ԱԳՆ-ն արձագանքել է Ադրբեջանին
Իրանի և Հայաստանի միջև 500 միլիոն դոլարի սպառազինության մատակարարման գործարքի մասին լուրը կեղծ է
Երբ հնարավոր կլինի առանց վիզայի մեկնել Եվրոպա. փոխարտգործնախարարի մեկնաբանությունը․ Տեսանյութ