19/04/2024

16-ամյա պատանին առաքիչին վճարել է 20.000 դրամանոց կեղծ թղթադրամով, ևս մեկը հայտնաբերվել է նրա մոտ

Մարտի 9-ին՝ ժամը 23.45-ին, Հին Էրիվանցու փողոցի և Հյուսիսային պողոտայի խաչմերուկում ծառայություն կատարող պարեկներին է մոտեցել 31-ամյա մի երիտասարդ և մատնացույց անելով մի քաղաքացու՝ հայտնել, որ նա առաքման դիմաց իրեն վճարել է կեղծ 20 հազար դրամանոց:

«Պարեկները, կեղծ թղթադրամ պահելու և իրացնելու հիմնավոր կասկածանքով ձերբակալել և ոստիկանության Կենտրոնական բաժին են տեղափոխել 16-ամյա մի պատանու:

Բաժնում անձնական խուզարկությամբ նրա մոտ հայտնաբերվել է 20 հազար անվանական արժեքով կեղծ թղթադրամ: Նա և կազմված փաստաթղթերը ներկայացվել են քննչական բաժին»,- ասված է ՆԳՆ ոստիկանության տարածած հաղորդագրության մեջ: