19/04/2024

Հակակոռուպցիոն կոմիտեն այս պահին խուզարկություն է իրականացնում Երևանի քաղաքապետարանի երկրորդ մասնաշենքում

Հակակոռուպցիոն կոմիտեն խուզարկություն է իրականացնում Երևանի քաղաքապետարանի երկրորդ մասնաշենքում՝ ճարտարապետության և քաղաքաշինության վարչությունում։

Լուրը հաստատեց քաղաքապետի մամուլի խոսնակ Հայկ Կոստանյանը։ Ըստ նրա՝ այլ մանրամասները պետք է հայտնի կոմիտեն։

Հակակոռուպցիոն կոմիտեից էլ մեզ հետ զրույցում նշեցին՝ խուզարկությունն իրականացվում է կոմիտեում քննվող քրեական վարույթի շրջանակում, քաղաքապետարանում քննչական գործողություններ են իրականացվում։ Այլ տեղեկատվություն չեն կարող տրամադրել։