17/04/2024

Իրանական բեռնատարը բախվել է երկաթե արգելապատնեշներին և կողաշրջվել

Այսօր՝ մարտի 18-ին, ավտովթար է տեղի ունեցել Արարատի մարզում:

Ժամը 00:15-ի սահմաններում իրանական համարանիշներով բեռնատարը Երևան-Մեղրի ավտոճանապարհի Տիգրանաշենի 2-րդ ոլորանում, դեռևս անհայտ հանգամանքներում, բախվել է երկաթե արգելապատնեշներին ու կողաշրջվել:

Վթարի հետևանքով, ըստ նախնական տեղեկությունների, տուժածներ չկան:

Աղբյուրի փոխանցմամբ՝ վարորդը ենթարկվել է սթափության փորձաքննության, եղել է սթափ: