Հայաստանի ֆուտբոլի ազգային հավաքականի նախկին ավագ, Միլանի «Ինտերի» կիսապաշտպան Հենրիխ Մխիթարյանը չի պատրաստվում մարզական կարիերան ավարտելուց հետո մարզիչ դառնալ:
Այս մասին նա ասել է FROG TALKS յութուբյան ալիքի հաղորդման ժամանակ:
«Ես ֆուտբոլային մարզիչ դառնալու ցանկություն չունեմ։ Արդեն բավական ժամանակ եմ անցկացրել խաղադաշտում։ Մարզչական աշխատանքը շատ ավելի շատ ժամանակ է պահանջում, ինչպես նաև վերլուծություն, քննարկումներ ֆուտբոլիստների հետ։ Այնպես որ, ես դա չեմ ուզում: Գուցե մարզական տնօրեն»,- ասել է Մխիթարյանը:
35-ամյա մարզիկի խոսքով՝ կարիերան ավարտելուց հետո կմնա Միլանում՝ մինչև որդին մեծանա և որոշի՝ ուզո՞ւմ է ֆուտբոլ խաղալ, թե՞ ոչ:
«Եթե նա ուզենա ֆուտբոլիստ դառնալ, ապա կմնանք Միլանում, իսկ եթե ոչ, ապա Հայաստան կվերադառնանք»,- ասել է Հենրիխը:
Բաց մի թողեք
Հուլիսի 27-ի աստղագուշակ․ Դրական միտումների ազդեցությունը մեծ է
Հրանտ Թոխատյանը վերադարձել է Հայաստան․ Լուսանկար
«Ինձ թվում է, որ տղաներս ներկա են, իմ կողքին, դա է ապրելու ուժ տալիս». Անդրանիկ Մանասյանն անմահացել է հոկտեմբերի 22-ին Որոտանում. Լուսանկարներ