Ֆրանսիայի վարչապետ Գաբրիել Աթալը մեղադրել է Ռուսաստանին այն բանում, որ վերջինս ցանկանում է «պատժել Հայաստանին» խաղաղության ցանկության և իր ինքնիշխանության նկատմամբ հարգանքի համար: Ըստ պաշտոնյայի՝ դրանք սկզբունքներ են, որոնք «Մոսկվան ոտնահարում է Ուկրաինայում»։
Այս մասին գրում է ֆրանսիական Lefigaro կայքը՝ մեջբերելով վարչապետի խոսքերը:
«Ռուսաստանը ցանկանում է պատժել Հայաստանին, քանի որ վերջինս անպատժելիության դեմ պայքարին է միացել Միջազգային քրեական դատարանին անդամակցությամբ, կամ ուղղակի այն պատճառով, որ նա ընտրել է ժողովրդավարությունն ու իրավական պետությունը»,- հավելել է Կառավարության ղեկավարը՝ ելույթ ունենալով Ֆրանսիայի հայկական կազմակերպությունները համակարգող խորհրդի տարեկան ընթրիքի ժամանակ։
Գաբրիել Աթալը նաև քննադատել է այն, որ ՌԴ-ն «իրականում ինքնագոհ կեցվածքով հավանություն է տվել» Ադրբեջանի կողմից ուժի կիրառմանը Լեռնային Ղարաբաղում՝ չդատապարտելով այն: Ըստ պաշտոնյայի՝ «ռուսական, այսպես կոչված, խաղաղապահ ուժերը թույլ են տվել, որ հումանիտար ճգնաժամ բռնկվի:
Գաբրիել Աթալը Ադրբեջանից պահանջել է «դուրս բերել իր ուժերը օկուպացված դիրքերից»՝ նկատելով, որ Ադրբեջանի նախագահ Իլհամ Ալիևն ինքն է խոստովանել, որ ադրբեջանական ուժերը առաջ են անցել հայկական տարածքի մի քանի կետերից»։
«Այսօրվա մարտահրավերն է օգնել Հայաստանին պաշտպանել իր անկախությունը, իր ժողովրդավարությունը, իր տարածքը, մեկ բառով՝ իր ինքնիշխանությունը» և «պահպանել Հայաստանի տարածքային ամբողջականությունը»,- ասել է նա:
Բաց մի թողեք
Ալիևը ձգտում է Պուտինի երաշխիքին, մենք՝ Արևմուտքի աջակցությանը
Խնդիրը «ռազմական ռեսուրսները չեն», «այլ՝ անդամ պետությունների քաղաքական» «քաղաքակրթական տարաձայնությունները»
Պետական պարտքի սպասարկումից է կախված պետության ինքնիշխանության աստիճանը