ՀՀ Ազգային ժողովի նախագահ Ալեն Սիմոնյանը Եվրախորհրդարանում Եվրանեսթի կոնգրեսի ժամանակ հանդիպել է Բելառուսի ընդդիմության առաջնորդ Սվետլանա Տիխանովսկայայի հետ։
Հանդիպմանը քննարկվել է հայ խորհրդարանականների հետ սերտ համագործակցությունը, «Պոզիրք»-ին հայտնել են բելառուս քաղաքական գործչի մամուլի ծառայությունից։
Հայկական պատվիրակության մոտ բարձրացվել է նաև բելառուս Յարոսլավ Նովիկովի հարցը, ով կալանավորվել է բելառուսական ուժայինների պահանջով։ Հայաստանի ներկայացուցիչները հայտնել են, որ նա քաղաքական ապաստան է ստանալու։
Հանդիպումը տեղի է ունեցել Եվրախորհրդարանում՝ Եվրանեսթի համագումարի ժամանակ, որին ելույթ է ունեցել Սվետլանա Տիխանովսկայան։ Հայաստանից բացի համագումարին մասնակցել են պատգամավորներ և պատվիրակություններ Ադրբեջանից, Վրաստանից, Ուկրաինայից, Մոլդովայից։
Մարտի 17-ին Բելառուսի իշխանությունների պահանջով Հայաստանում չորս տղամարդ է բերման ենթարկվել։ Նրանք մեղադրվում են զինվորական ծառայության զորակոչից խուսափելու համար։ Ձերբակալվածներից մեկը Յարոսլավ Նովիկովն է։ Արտահանձնման հարցը, որը փորձում են կանխել հայ իրավապաշտպաններն ու բելառուսական դեմոկրատական ուժերը, լուծվում է դատարանում։
«Տիխանոսվկայայի հետ պաշտոնական հանդիպում չի եղել, զուտ Եվրանեսթի անցկացման վայրում՝ միջանցքում պատահաբար են հանդիպել, որի ընթացքում զրույցի են բռնվել, քննարկել են Տիխանովսկայայի անդրադարձը Հայաստանին, որը նա ունեցել էր իր ելույթում»,- ասաց Նելլի Ղուլյանը։
Բաց մի թողեք
Հայաստանին էսկալացիոն հռետորաբանության մեջ ներքաշելու փորձերն անընդունելի են. ՀՀ ԱԳՆ-ն արձագանքել է Ադրբեջանին
Իրանի և Հայաստանի միջև 500 միլիոն դոլարի սպառազինության մատակարարման գործարքի մասին լուրը կեղծ է
Երբ հնարավոր կլինի առանց վիզայի մեկնել Եվրոպա. փոխարտգործնախարարի մեկնաբանությունը․ Տեսանյութ