19/04/2024

Crocus City Hall-ի ահաբեկչության հետևանքով տուժածների և զոհերի թվում ՀՀ քաղաքացիներ ու հայեր չկան․ ԱԳՆ

Ի պատասխան լրատվամիջոցներից ստացված հարցումների՝ հայտնում ենք, որ այս պահին առկա տվյալների համաձայն՝ Մոսկվայում մարտի 22-ին տեղի ունեցած ահաբեկչության հետևանքով տուժածների և զոհերի շրջանում ՀՀ քաղաքացիներ և հայեր չկան:

Այս մասին «Ֆեյսբուք»-ի էջում գրել է ԱԳՆ մամուլի խոսնակ Անի Բադալյանը։

«ՌԴ-ում ՀՀ դեսպանությունը մշտական կապի մեջ է տեղում ՌԴ իշխանության մարմինների հետ: Համապատասխան տեղեկատվություն ստանալուն պես կհայտնենք լրացուցիչ»,- ասված էգրառման մեջ։

Ավելի վաղ Մոսկվայի առողջապահության նախարարության պաշտոնական կայքում հրապարակվել էր Crocus City Hall-ում տեղի ունեցած ահաբեկչության հետևանքով զոհվածների ցուցակը, որում ինքնությունը պարզված 41 մարդու անուն կար։