13/04/2024

Լիլիթ Իսրայելյանը ամուսնու՝ ադրբեջանցի Վուգար Հուսեյնովի հետ, «Crocus City Hall»-ի զոհերի թվում է. Լուսանկար

«Crocus City Hall»-ում տեղի ունեցած ահաբեկչության հետևանքով զոհերի թվում է ազգությամբ հայ Լիլիթ Իսրայելյանը ամուսնու՝ ադրբեջանցի Վուգար Հուսեյնովի հետ։

Նրանք ունեն մեկուկես տարեկան երեխա, որը ահաբեկչության պահին տատիկի ու պապիկի մոտ է եղել:

ՀՀ ԱԳՆ խոսնակը ավելի վաղ հաստատել էր, որ Մոսկվայի մարզում տեղի ունեցած ահաբեկչության հետևանքով զոհերի թվում կա ՀՀ քաղաքացի։

Մարտի 22-ին Մոսկվայի Crocus City Hall-ում ահաբեկչություն էր տեղի ունեցել: Ինքնաձիգով զինված անձինք համերգից առաջ ներխուժել էին համերգասրահ և անկանոն կրակահերթեր արձակել մարդկանց ուղղությամբ, այրել նստարանները։

Վերջին տվյալներով՝ ահաբեկչության զոհերի թիվը 137 է։

ՌԴ բուժհաստատություններում է գտնվում 107 տուժած։ Ծայրահեղ ծանր վիճակում գտնվողների թվում է մեկ երեխա։ ՌԴ նախագահ Վլադիմիր Պուտինը հայտարարել է Crocus City Hall-ում տեղի ունեցած ահաբեկչության բոլոր մեղավորներին կալանավորելու մասին։

Ընդհանուր առմամբ կալանավորվել է ահաբեկչության հետ առնչություն ունեցող 11 մարդ, 4-ը՝ կատարող:

May be an image of 2 people and people smiling