Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում՝ պայմանավորված Հայաստանի ղեկավարության դիրքորոշմամբ։
Այս մասին «Известия»-ին տված հարցազրույցում հայտարարել է ՌԴ ԱԳ նախարար Սերգեյ Լավրովը՝ միաժամանակ նշելով, թե իբր ՀՀ ղեկավարությունը «միտումնավոր քանդում է» հարաբերությունները Ռուսաստանի Դաշնության հետ։
Լավրովի կարծիքով, այն, ինչի մասին հայտարարում է, դրսևորվում է Գյումրիի 102-րդ ռազմաբազայում ծառայող ռուս զինվորականների, սահմանապահների, ինչպես նաև Հավաքական անվտանգության պայմանագրի կազմակերպության շուրջ առկա հայտարարություններում։
Լավրովը նաև անդրադարձել է ՀԱՊԿ-ի նկատմամբ ՀՀ դիրքորոշմանն ու հայտարարել, թե հենց ՀԱՊԿ-ն էր, որ բազմիցս պաշտպանել է Հայաստանի շահերը դժվարին իրավիճակներում և 2021 թվականին պատրաստ է եղել երկիր ուղարկել իր խաղաղապահ առաքելությունը՝ Ադրբեջանի հետ հարաբերություններում լարվածությունը թուլացնելու համար։
Սրա մասին, ըստ Լավրովի, Երևանը չի հիշատակում։
Նշենք, որ Հայաստանի Հանրապետությունը ՀԱՊԿ-ում իր մասնակցությունը սառեցրել է՝ բազմիցս նշելով պատճառների մասին։
Լավրովը նաև նեգատիվ շեշտադրումներ է արել ԵՄ առաքելության հասցեին, հայտարարելով, թե Հայաստանում ԵՄ առաքելությունը վերածվում է ՆԱՏՕ-ի առաքելության։
«Այժմ Նորվեգիայից, Կանադայից և Միացյալ Նահանգներից զինվորականներ դեռ ուղարկվում են այնտեղ՝ Եվրամիության առաքելությունը վերածելով Հյուսիսատլանտյան դաշինքի առաքելության»,- ասել է նա։։
ՌԴ ԱԳ նախարարը զերծ չի մնացել նաև ՀՀ ղեկավարության հասցեին ուղղված մեղադրանքներից։
Բաց մի թողեք
Մագյարի կառավարությունը կշարունակի՞ Հունգարիան պահել Թուրքական պետությունների կազմակերպության դիտորդ անդամ
Բաքուն գործ կունենա արդեն Վաշինգտոնի հետ, Հայաստանը՝ լուսանցքում
Մոսկվան և Բաքուն շատ սկզբունքային համաձայնության են եկել Հայաստանի վարչապետի մոսկովյան այցից ուղիղ երկու շաբաթ հետո