14/04/2024

Ռուսաստանի և Ադրբեջանի ԱԳ փոխարտգործնախարարները քննարկել են Հայաստան-Ադրբեջան կարգավորման գործընթացը

Ռուսաստանի արտաքին գործերի նախարարի տեղակալ Միխայիլ Գալուզինը Մոսկվայում հանդիպում է ունեցել Ադրբեջանի արտաքին գործերի նախարարի տեղակալ Էլնուր Մամեդովի հետ:

«Առարկայորեն դիտարկվել են ռուս-ադրբեջանական հարաբերությունների ներկա վիճակն ու հեռանկարները։ Քննարկվել են Ռուսաստանի և Ադրբեջանի միջև դաշնակցային փոխգործակցության մասին 2022 թվականի փետրվարի 22-ի հռչակագրի դրույթների իրականացմանն ուղղված հետագա համատեղ քայլերը:

Անդրադարձ է կատարվել տարածաշրջանային և միջազգային հարցերի, այդ թվում՝ Հարավային Կովկասում առկա իրավիճակին և Հայաստանի, Ադրբեջանի և Ռուսաստանի ղեկավարների եռակողմ պայմանավորվածությունների հիման վրա հայ-ադրբեջանական կարգավորման հեռանկարներին»,- ասված է ՌԴ ԱԳՆ հաղորդագրության մեջ։