Ադրբեջանի պաշտպանության նախարարությունը հաղորդագրություն է տարածել, որում նշվում է, որ վերջին շրջանում հայ-ադրբեջանական պայմանական սահմանի տարբեր ուղղություններում իբր թե «նկատվում է կենդանի ուժի, զրահատեխնիկայի, հրետանային միջոցների, ինչպես նաև այլ ծանր հրաձգային զինատեսակների կենտրոնացում և Հայաստանի զինված ուժերի զորքերի ինտենսիվ տեղաշարժ»։
Բաքուն հայտարարում է, թե իբր Հայաստանում նկատվում է «ռևանշիստական ուժերի ակտիվացում», զգուշացնելով, որ «ռազմական սադրանքի ցանկացած փորձ կճնշվի ադրբեջանական բանակի կողմից»։
«Եվս մեկ անգամ հայտարարում ենք, որ իրավիճակի սրման և ցանկացած հնարավոր սադրանքի ողջ պատասխանատվությունն ամբողջությամբ ընկնելու է Հայաստանի և նրա հովանավորների վրա», – ասված է ադրբեջանական պաշտպանական գերատեսչության հաղորդագրության մեջ։
Բաց մի թողեք
Ի՞նչ դեր է վերապահվում Ադրբեջանին, Էրդողանը կփորձի «խառնե՞լ» Հարավային Կովկասը
Փորձում են սպառնալ և ահաբեկել արցախցիներին ․․․
Բաքվի դատարանում շարունակվելու է Ռուբեն Վարդանյանի շինծու գործով դատավարությունը