Այս Զատկի կիրակի, ինչպես տարվա ամեն օր, Հայաստանում ԵՄ առաքելության դիտորդները պարեկություն են իրականացնում Ադրբեջանի հետ սահմանին։
Այս մասին «X»-ի իր միկրոբլոգում գրել է Հայաստանում Ֆրանսիայի դեսպան Օլիվյե Դեկոտինին՝ հրապարակելով Հայաստանում ԵՄ առաքելության հայտարարությունը Ադրբեջանի հետ սահմանին տիրող իրավիճակի վերաբերյալ։
«Այս պարեկությունը նպաստում է կայունությանը և միջազգային հանրությանը անաչառ տեղեկատվություն տրամադրելուն»,- նշել է նա:
Հիշեցնենք, որ Հայաստանում ԵՄ առաքելությունը հայտարարություն է տարածել, որում նշվում է, որ հայ-ադրբեջանական սահմանին «արտառոց տեղաշարժ» չի նկատվել։
Ավելի վաղ ՀՀ ՊՆ-ն հերքել էր Ադրբեջանի այն ապատեղեկատվությունը, թե իբր ՀՀ զինված ուժերը սահմանի տարբեր ուղղություններով իրականացնում են անձնակազմի, զրահատեխնիկայի, հրետանու և այլ կրակային զինատեսակների կուտակումներ և ակտիվ տեղաշարժեր։
Բաց մի թողեք
Չափազանց պարզ է. Փաշինյանի այդ քայլը պայմանավորված է Ադրբեջանի հայտնի պահանջով
Հայաստանն ու դրա տարաբնույթ մարտահրավերները՝ ընթացիկից մինչև էքզիստենցիալ՝ հարատև
Հրաժարվում եմ այս ֆարսին մասնակցել, դիմում եմ աշխարհի առաջնորդներին. Ռուբեն Վարդանյանը հացադուլ է հայտարարել