14/04/2024

Թաթարստանը ենթարկվել է անօդաչուների գրոհի՝ պատերազմի սկզբից ի վեր առաջին անգամ. Լուսանկար

Անօդաչուները գրոհել են Թաթարստանի Ելաբուգա և Նիժնեկամսկ քաղաքների ձեռնարկությունները։ Այս մասին հայտնում է ՏԱՍՍ-ը՝ հղում անելով տարածաշրջանի ղեկավարի մամուլի ծառայությանը։

Իշխանությունների տվյալներով՝ մի քանի մարդ տուժել է (Baza-ն գրում է հինգ տուժածի մասին), սակայն լուրջ ավերածություններ չկան։

«Այսօր առավոտյան հանրապետության ձեռնարկությունները Ելաբուգայում և Նիժնեկամսկում ենթարկվել են անօդաչու թռչող սարքերի գրոհի։ Լուրջ ավերածություններ չկան, ձեռնարկությունների տեխնոլոգիական գործընթացը խաթարված չէ։ Ելաբուգայում, ցավոք, հաստատության ավերման հետևանքով կան տուժածներ։ Նրանց ցուցաբերվում է ամբողջ անհրաժեշտ օգնությունը»,- ասել է Թաթարստանի ղեկավար Ռուստամ Միննիխանովը։

Ինչպես նշում է Mash-ը, սա պատերազմի սկզբից ի վեր անօդաչուների առաջին հարձակումն է Թաթարստանի տարածքի վրա։