Վրաստանում և Հարավային Կովկասում ճգնաժամի հարցերով ԵՄ հատուկ ներկայացուցիչ Տոյվո Կլաարը մեկնաբանել է ադրբեջանական զինուժի կողմից հայկական դիրքերի գիշերային գնդակոծությունը։
«Չնայած ռազմական տեղաշարժերի մասին որոշ պնդումներին, հուսադրող է, որ ԵՄ առաքելությունը Հայաստանում ի վիճակի է հերքել դրանք։ Սա նաև մնում է չօգտագործված ռեսուրս, որն օգնում է վերացնել թյուրիմացությունները և սխալ պատկերացումները և կարող է լավ ծառայել ինչպես Հայաստանին, այնպես էլ Ադրբեջանին»,- գրել է նա X-ի իր միկրոբլոգում։
Հիշեցնենք, որ ավելի վաղ Հայաստանում Եվրոպական միության առաքելությունը (EUMA) հայտարարություն էր տարածել՝ նշելով, որ պարեկություն է իրականացրել Սոթքի, Վերին Շորժայի, Արավուսի և Մովսեսի տարածքներում։ Այս մասին ասվում է առաքելության հայտարարության մեջ։
«Հաղորդվում է, որ իրավիճակը կայուն է և հանգիստ», – ասվում է EUMA-ի հայտարարության մեջ:
Բաց մի թողեք
Արևմուտքն, ի վերջո, Ադրբեջանի նկատմամբ ազդեցության լծակներ գործի կդնի՞
Թուրքիան՝ օկուպացված Շուշիում, բացել է երկրաշարժի մոնիթորինգի կայան
Ուկրաինայի խնդիրը, կարծես, մտնում է նոր ծիր, որի մի կողմում Վատիկանն է, մյուսում՝ Չինաստանը