29/05/2024

Առափի գյուղում «ՎԱԶ»-ը մոտ 30-35 մետր գլորվել է ձորը և բռնկվել. վարորդին եւ 14-ամյա ուղեւորին դուրս են բերել մեքենայից

Ապրիլի 9-ին, ժամը 23:12-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Առափի գյուղում տեղի է ունեցել ՃՏՊ՝ ավտոմեքենան ընկել է ձորը և բռնկվել․ տուժածներ չկա:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Հանքավան-Առափի ավտոճանապարհի 7-րդ կմ-ին «VAZ» մակնիշի ավտոմեքենան (վարորդ՝ Վ․ Ս․, ծնված 1984 թ․) դուրս է եկել ճանապարհի երթևեկելի հատվածից, ընկել ձորը (մոտ 30-35 մ) և բռնկվել:

Մինչ հրշեջ-փրկարարների կանչի վայր հասնելը՝ ավտոմեքենայի վարորդը և ուղևոր Խ․ Ս․-ն (ծնված 2007 թ․) տեղի ուժերով դուրս են բերվել ավտոմեքենայից։

Հրդեհը մեկուսացվել է ժամը 23:36-ին, մարվել՝ 23:45-ին: Այրվել է ավտոմեքենան: