22/05/2024

Բելառուսի քննչական մեկուսարանում մահացել է քաղբանտարկյալ Ալեքսանդր Կուլինիչը

Բելառուսի Բրեստ քաղաքի քննչական մեկուսարանում մահացել է պահեստազորի փոխգնդապետ և քաղբանտարկյալ Ալեքսանդր Կուլինիչը։

Հաղորդվում է, որ երկու օրից կլրանար նրա 52-ամյակը: Պաշտոնական վարկածի համաձայն՝ բանտարկյալը մահացել է սրտի իշեմիկ հիվանդությունից։

Կուլինիչը փետրվարի 29-ին Բրեստում ձերբակալվել էր Ալեքսանդր Լուկաշենկոյին վիրավորելու մեղադրանքով։ Հայտնի է նաև, որ նա դեմ է եղել Ուկրաինայի դեմ ռազմական ագրեսիային, մասնավորապես դրանում Բելառուսի մասնակցությանը և աջակցել է Ուկրաինայի զինված ուժերի կողմից կռվող կամավորներին։

Ալեքսանդր Կուլինիչի դատավարությունը պետք է սկսվեր ապրիլի 16-ին։

«Sota» տելեգրամյան ալիքը նշում է, որ 2020 թվականից՝ Բելառուսում զանգվածային բռնաճնշումների սկսվելուց ի վեր, առնվազն տասը քաղբանտարկյալ արդեն մահացել է երկրի բանտերում։