29/05/2024

Իսրայելը կպատժվի. Իրանի գերագույն առաջնորդ

Իրանի գերագույն և հոգևոր առաջնորդ այաթոլլա Ալի Խամենեին «X»-ի միկրոբլոգում հայտարարել է, որ Իսրայելը կպատժվի։

Հաղորդագրությունը հայտնվել է Իսրայել իրանական անօդաչու թռչող սարքերի արձակման մասին տեղեկատվության ֆոնին՝ ի պատասխան ապրիլի 1-ին Դամասկոսում Իրանի հյուպատոսության վրա Իսրայելի ռազմաօդային ուժերի հարձակման։

«Չար ռեժիմը կպատժվի»,- գրել է նա՝ կցելով ապրիլի 10-ին Ռամազանի ավարտի կապակցությամբ իր ելույթի տեսանյութը։

Ավելի վաղ հայտնել էինք, որ Իրանը տասնյակ անօդաչու սարքեր է արձակել Իսրայելի ուղղությամբ, իրավիճակը լարված է եղել ամբողջ գիշեր: