Վրաստանի նախագահ Սալոմե Զուրաբիշվիլին հայտարարել է, որ վետո կդնի «օտարերկրյա գործակալների մասին» աղմկահարույց օրենքի վրա, եթե այն երկրի խորհրդարանը ընդունի երեք ընթերցմամբ։
«Ես վետո կդնեմ այդ օրենքի վրա, ինչպես անում եմ այլ օրենքների նկատմամբ, որոնք հակասում են Եվրամիության ռազմավարությանը և հանձնարարականներին»,- հայտարարել է նա BBC-ին տված հարցազրույցում։
Զուրաբիշվիլին նշել է, որ վետոն անհրաժեշտ կլինի կիրառել, որպեսզի ժողովրդի ձայնը լսելի լինի:
Ինչպես ավելի վաղ հայտնել էինք, Վրաստանի խորհրդարանն առաջին ընթերցմամբ 83 կողմ, 0 դեմ ձայների հարաբերակցությամբ ընդունել է «Օտարերկրյա ազդեցության թափանցիկության մասին» օրինագիծը։
Նշենք, որ Վրաստանի խորհրդարանում օրինագծի քննարկմանը զուգահեռ տեղի էին ունեցել բողոքի զանգվածային ցույցեր, որոնց մասնակցել էին հազարավոր մարդիկ։
Բաց մի թողեք
Կոչեր Ադրբեջանին, միջազգային հանրությանը. Ցեղասպանագետների միջազգային ընկերակցությունը ԼՂ-ի վերաբերյալ բանաձև է ընդունել
ԵԽ արդարադատության նախարարները Ուկրաինային առնչվող հռչակագիր են ընդունել. Հայաստանը չի միացել
Հայաստանում որևէ մեկը զբաղվո՞ւմ է տեղեկատվա-քարոզչական անվտանգության հարցերով