Պաշտոնական Անկարան, հերթական անգամ խեղաթյուրելով պատմական փաստերը, ժխտել է 1915 թվականի Հայոց ցեղասպանության իրողությունը։
Թուրքիայի ԱԳՆ-ն հայտարարություն է տարածել Հայոց ցեղասպանության 109-րդ տարելիցի կապակցությամբ տարբեր երկրների իշխանությունների կողմից հնչած հայտարարությունների վերաբերյալ։
«Մենք մերժում ենք 1915 թվականի իրադարձությունների մասին միակողմանի հայտարարությունները, որոնք արվել են որոշակի արմատական շրջանակների բավարարելու համար։ Պատմական փաստերը խեղաթյուրող այս հայտարարությունները հակասում են նաև միջազգային իրավունքին։
Մարդու իրավունքների եվրոպական դատարանը հստակ հասկացրել է, որ 1915 թվականի իրադարձություններն իրավական քննարկման առարկա են։
Պատմության վերաբերյալ այս կողմնակալ և մասնակի հայտարարությունները ոչ միայն խաթարում են երկու երկրների միջև հաշտեցման ջանքերին, այլև խրախուսում են արմատական խմբերին՝ ատելության հիմքով հանցագործություններ կատարել։
Կոչ ենք անում բոլոր կողմերին աջակցել համատեղ հանձնաժողով ստեղծելու մեր առաջարկին և Հայաստանի հետ սկսված կարգավորման գործընթացին»,- ասված է հայտարարության մեջ։
Բաց մի թողեք
Արտառոց դեպք Երևանում․ համբուրվող զույգին մոտեցածները ներկայացել են որպես ոստիկան ու պահանջել 50 հազար դրամ
ԵԽ արդարադատության նախարարները Ուկրաինային առնչվող հռչակագիր են ընդունել. Հայաստանը չի միացել
Խարդախությամբ գումար են հափշտակում․ ՆԳՆ ոստիկանությունը զգուշացնում է