Հայաստանի արհմիությունների կոնֆեդերացիան մայիսի 1-ի՝ Աշխատանքի և աշխատավորների միջազգային օրվա կապակցությամբ կկազմակերպի երթ։ Այն այս տարի կրում է «Արժանապատիվ աշխատանք խորագիրը։
Ապաքաղաքական այս երթի նպատակն է ևս մեկ անգամ բարձրաձայնել աշխատանքային պայմանների բարելավմանն առնչվող հարցերն ու խնդիրները։
Երթի մեկնարկը կտրվի մայիսի 1-ին, ժամը 12:00 Աբովյան պուրակից (Հրանտ Մաթևոսյանի տուն-թանգարանի հարակից տարածք)։
«Հայաստանում բազում աշխատողներ ծանոթ չեն իրենց իրավունքներին ու պարտականություններին, և շատ հաճախ տուժում են նման գիտելիքի բացակայության հետևանքով։ Բացի գիտելիքի պակասից, աշխատողներից շատերը հաճախ պարզապես համակերպվում են իրենց խախտված աշխատանքային իրավունքների հետ։ Այս երթը աշխատողների համար կարևոր հարթակ է արժանապատիվ աշխատանքային պայմանների կոչն էլ ավելի ամրապնդելու համար: Մենք կոչ ենք անում բոլորի արմիութենականներին միանալ մեզ՝ նշանակալի ազդեցություն ունենալու համար: Սա միասնության ուժը հիշելու օր է և աշխատավայրում արժանապատվության համար շարունակվող պայքարի յուրատեսակ ձև»,-նշում է Հայաստանի արհմիությունների կոնֆեդերացիայի նախագահ Էլեն Մանասերյանը։
Հայաստանի արհմիությունների կոնֆեդերացիան կոչ է անում արհմիութենականներին մասնակցելու այս նշանակալից միջոցառմանը։ Այս երթը հնարավորություն է Հայաստանում աշխատողների համար համախմբվելու՝ ի նշան համերաշխության։
Բաց մի թողեք
Հունիսի 5-ը Շրջակա միջավայրի համաշխարհային օրն է․ Հայաստանում նշվում է նաև Բնապահպանի օրը
Ինչ որոշում է կայացրել Բագրատ Սրբազանը
«Մորիսս մեր 20 տարվա հեքիաթն է, յուրահատուկ էր, տարբերվող». Մորիս Խումարյանն անմահացել է հոկտեմբերի 19-ին Իշխանաձորում, տուն «վերադարձել» … երեք ամիս անց. Լուսանկարներ