29/05/2024

Շիրակ Թորոսյանն ու Ռուստամ Բաքոյանը արձագանքել են արք․ Գալստանյանի՝ վարչապետի հրաժարականի պահանջին

ԱԺ պատգամավորներ Շիրակ Թորոսյանն ու Ռուստամ Բաքոյանը արձագանքել են Բագրատ Գալստանյանի՝ վարչապետ Նիկոլ Փաշինյանի հրաժարականի պահանջին։

Նրանք իրենց «Ֆեյսբուք»-ի էջերում հրապարակել են վարչապետի լուսանկարն ու գրառումներ արել։

«Կրկնում եմ՝ Հայաստանի Հանրապետության ընտրված վարչապետը Նիկոլ Փաշինյանն է և վերջ։ Բոլորին մաղթում եմ ուշիմություն ու խոհեմություն»,- գրել է Բաքոյանը։։

Շիրակ Թորոսյանը գրել է․ «Հայաստանի Հանրապետության ընտրված վարչապետ Նիկոլ Փաշինյան»։

Հիշեցնենք՝ այսօր հանրահավաքի ժամանակ ելույթի իր խոսքում Գալստանյանը դիմելով ներկաներին ասել էր․

«ՔՊ-ից պատգամավորներ կա՞ն, լավ կլիներ, որ լինեին։ Իրենց էլ հնարավորություն տանք՝ Շիրակ Թորոսյան, Ռուստամ Բաքոյան, կան բավականին, ինձ իրավունք տալի՞ս եք ՝իրենց հետ խոսելու»: