Ապրիլի 25-ին Կենտրոնական բաժնում ոստիկանության օպերատիվ կառավարման կենտրոնից հաղորդում է ստացվել: Անհայտ քաղաքացին հայտնել է, որ Տիգրան Մեծի պողոտայում մոտ քսան հոգու մասնակցությամբ ծեծկռտուք է: Ոստիկաններն արձագանքել են, տեղյակ է պահվել նաև տարածքում ծառայող պարեկներին:
Դեպքի վայրում ոստիկանները հայտնաբերել են վնասված «Տեսլա» մակնիշի մեքենա, իսկ նեսում՝ արյան հետքեր:
Րոպեներ անց ոստիկանության օպերատիվ կառավարման կենտրոնից Կենտրոնական բաժնում ստացվել է նոր հաղորդում. 1-ին համալսարանական հիվանդանոցից հայտնել են, որ շտապօգնության խումբը «պոլիտրավմա» ախտորոշմամբ բուժօգնության է տեղափոխել Երևանի Վարդանանց փողոցի բնակիչ 33-ամյա մի տղամարդու:
Փաստորեն, կոպիտ կերպով խախտվել է հասարակական կարգը, դիտավորությամբ վնասվել է գույք և պատճառվել է, ինչպես հետո է պարզվել, միջին աստիճանի մարմնական վնասվածք:
Կենտրոնական բաժնի քրեական հետախույզների օպերատիվ աշխատանքի շնորհիվ ժամը 21:40-ին մայրաքաղաքի Քաջազնունու փողոցում հայտնաբերվել, հանցագործություն կատարելու կասկածանքով ձերբակալվել և ոստիկանության Կենտրոնական բաժին է տեղափոխվել հինգ երիտասարդ, որոնցից չորսը` Գավառ և Մարտունի քաղաքների բնակիչ:
Ընդ որում, հինգերորդի` Նուբարաշենի բնակիչ 19-ամյա երիտասարդի անձնական խուզարկությամբ հայտնաբերվել է ծալովի երկու դանակ:
Պարզվել է՝ ամեն ինչ սկսվել է նախորդ օրը`կենցաղային հողի վրա, երիտասարդները իրար չեն հասկացել, շեղ են նայել միմյանց, սկսվել է վիճանբանություն:
Հետագա միջոցառումներով իրավապահներին հաջողվել է պարզել միջադեպի մասնակից ևս երկու անձի ինքնություն: Ձեռնարկվում են միջոցառումներ՝ Վարդենիս քաղաքի և Ակունք գյուղի 27-ամյա բնակիչներին հայտնաբերելու ուղղությամբ:
Նախաքննությունը շարունակվում է, հանգամանքները պարզվում են:
Բաց մի թողեք
Արմավիրում զինված անձը կրակել է ոստիկանների ուղղությամբ. մեկ ծառայող զոհվել է, մյուսը՝ տեղափոխվել հիվանդանոց
Կնոջը հրավիրել են ամառանոց և փորձել բռնաբարել․ կրակոցներ են հնչել
«Անպիտան հրթիռների» գործով մեղադրյալ, ԶՈՒ ավիացիայի նախկին պետն ու նրա ընտանիքի անդամները կանչվել են դատախազություն. Լուսանկար