Մայիսի 10-ին օպերատիվ-հետախուզական միջոցառումների արդյունքում պարզվել է մայիսի 9-ին Աշտարակ քաղաքի Գետափնյա փողոցում «Mercedes» և «Վազ 2107» մակնիշի ավտոմեքենաների վրա կրակոցներ արձակած կասկածյալի ենթադրյալ գտնվելու վայրը։
Shamshyan.com-ի հաղորդմամբ, տեսնելով, որ ստացված օպերատիվ տեղեկությունները հավաստի են, բացատրական աշխատանքներ են կատարել կասկածյալի հետ, ով ժամը 21:00-ի սահմաններում կամավոր ներկայացել է ոստիկանության Աշտարակի բաժին։ Վերջինս Արագածոտնի մարզի բնակիչ 50-ամյա Վահե Մովսիսյանն է, ով փաստերի ճնշման տակ խոստովանել է, որ ինքն է կրակոցներ արձակել իր մոտ եղած որսորդական հրացանով։
Ըստ տղամարդու, հրացանը գտել է Աշտարակ քաղաքի վարչական տարածքում գտնվող ձորից։
Վ. Մովսիսյանը ոստիկանության Աշտարակի բաժնից ներկայացվել է ՀՀ քննչական կոմիտեի Արագածոտնի մարզային քննչական վարչություն։ Ոստիկանները հայտնաբերել են նաև հանցագործության գործիք հրացանը։
Բաց մի թողեք
Զովունիում կրակոցների հեղինակը հայտնաբերվել և ձերբակալվել է. ՆԳՆ-ն մանրամասներ է հայտնել
Դատախազությունը պահանջում է Վահե Հակոբյանից, կնոջից և կապակցված անձանցից գանձել 12 անշարժ գույք, 21 մլն դրամ
Նոր մանրամասներ․ Կրակոց՝ Զովունի գյուղի սկզբնամասում․ կա վիրավոր․ կրակոց արձակողը «Hongqi» մակնիշի ավտոմեքենայով բախվել է «Nissan»-ին