Մայիսի 8-ին Երևանի Մալաթիա-Սեբաստիա վարչական շրջանի Սուրբ Աստվածածին եկեղեցու բակում հայտնաբերված նորածին աղջնակի մայրը հայտնաբերվել է, տեղափոխվել ոստիկանություն: Երեխային էլ իրավապահները տեղափոխել են մանկատուն:
Այս մասին հայտնել են ՆԳՆ ոստիկանությունից՝ ներկայացնելով մանրամասներ:
«ՆԳՆ ոստիկանության օպերատիվ կառավարման կենտրոն զանգահարած կինը մայիսի 8-ին հայտնել է, որ մայրաքաղաքի Մալաթիա-Սեբաստիա վարչական շրջանի Սուրբ Աստվածածին եկեղեցու այգեպանի փոխանցմամբ՝ եկեղեցու այգում նորածին երեխա են թողել։
Կինը իրավապահներին տեղեկացրել է, որ երեխային տարել է իր տուն։ Հաղորդումն անմիջապես փոխանցվել է ոստիկանության Մալաթիայի բաժին։ Իրավապահները ձեռնարկել են անհետաձգելի գործողություններ։
«Սուրբ Աստվածամայր» բժշկական կենտրոնից, որտեղ տեղափոխվել էր նորածինը, դրական տեղեկություն է ստացվել այն մասին, որ երեխայի կյանքին վտանգ չի սպառնացել:
Նորածնի մորը հայտնաբերելու՝ իրավապահների ձեռնարկած միջոցառումների արդյունքը չի ուշացել։ Հետագա միջոցառումներով պարզվել են կատարվածի որոշ մանրամասներ:
Նորածինը մայիսի 15-ին «Սուրբ Աստվածամայր» բժշկական կենտրոնից դուրս է գրվել և տեղափոխվել մանկատուն։
Դեպքի բոլոր հանգամանքները պարզվում են»,- ասվում է հաղորդագրության մեջ:
Բաց մի թողեք
Աշխարհում նոր մահացու հիվանդություն է գրանցվել
Մասնագիտական խումբը որոշել է, որ համապատասխանում է ստանդարտներին. Ավանեսյանը՝ «Զարյա 3» նռնակների կիրառման մասին
Արագածոտնի գյուղերից մեկի տան բակում՝ ծառից կախված վիճակում, հայտնաբերվել է տղամարդու մարմին