26/06/2024

Սահմանազատման գործընթացը հուսադրում է, որ Ադրբեջանի և Հայաստանի միջև կարող է խաղաղության պայմանագիր կնքվել․ Ալիև

Հայ-ադրբեջանական սահմանի սահմանազատման և սահմանագծման սկիզբը երկու երկրների միջև խաղաղության պայմանագրի ստորագրման հույս է ներշնչում։

Այս մասին հայտարարել է Ադրբեջանի նախագահ Իլհամ Ալիևը՝ Իրանի նախագահ Էբրահիմ Ռաիսիի հետ Խուդաֆերինի հիդրոէլեկտրակայանի շահագործման հանձնման արարողության և Արաքս գետի վրա կառուցված «Գիզ Գալասի» հիդրոէլեկտրակայանի բացման արարողության ժամանակ։

«Ներկայում ընթանում է Ադրբեջանի և Հայաստանի միջև սահմանազատման գործընթացը, սա հուսադրող իրադարձություն է և հույս է ներշնչում, որ Ադրբեջանի և Հայաստանի միջև երկարատև ընդմիջումից հետո կարող է խաղաղության պայմանագիր կնքվել։

Մենք ողջունում ենք Իրանի աջակցությունն այս հարցում»,- ասել է Ալիևը։