«Ուժեղ անձրևներ համարյա ամեն տարի լինում եյն, բայց Էսպիսի բան մենակ ֆիլմերում էինք տեսել։ Անդադար տեղացող անձրևները, կայծակն ու որոտը միայն սարսափեցնում էին։ Մի ամբողջ տարվա աշխատանք ջուրը քշեց տարավ»,- պատմել է Լոռու մարզի Շնող գյուղի բնակիչ Անահիտ Գևորգյանը։
Դեբեդ և Աղստև գետերի վարարման հետևանքով առաջացած հեղեղումները մարզում արտակարգ իրավիճակ են ստեղծել։
«Ջրալցվել են տներ, քանդվել ճանապարհներ։ Ամուսինս իր մեքենայով Ալավերդիից էր գալիս։ Ասում է՝ ոնց որ սուզանավ քշես, բախտը բերել է, որ դիմացից ու հետևից ավտո չի եղել, հազիվ է դուրս եկել։ Բառերով նկարագրելու չէ։ Առ էս պահը մեր վնասներն էլ չենք կարողանում հաշվել»,- ասաց նա, նշելով, որ Շնողը, որպես բարձրադիր գյուղ, համեմատաբար քիչ վնասներ է կրել։
«Սարսափելի վիճակում են հայտնվել Ալավերդի քաղաքն ու ցածրադիր գոտու բնակավայրերը։ Այնտեղ առայժմ նավակներով են շարժվում։ Աղետից հարյուրավոր մարդիկ են տուժել, բայց ցավալին, որ զոհ ունենք։ էս պահին դեռ մեքենա կա ջրի մեջ, չգիտեմ ներսում մարդ կա, թե՞ ոչ»։
Մեր զրուցակիցը նաև փոխանցեց, որ ստեղծված իրավիճակով պայմանավորված գյուղը հոսանքազրկված է։ Ջուրն էլ կեղտոտ լինելու պատճառով անջատել են։
Բաց մի թողեք
Նիկոլ Փաշինյանին այսօրվա պատարագին ուղեկցում են փոքրաթիվ ՔՊ–ականներ. Լուսանկար
Սրբապղծություն՝ Նուբարաշենում․ մայրը, այցելելով 32-ամյա դստեր շիրիմին, հայտնաբերել է, որ գերեզմանից հափշտակել են սև գրանիտե ծաղկամանները
Երևան քաղաքի վարչական շրջաններում, Արագածոտնի, Կոտայքի և Լոռու մարզերում ահազանգեր են ստացվել տապալված ծառերի, սյուների, ինչպես նաև պոկված կառուցատարրերի վերաբերյալ