26/06/2024

Վերանորոգվել է առողջապահության նախարարության «Ավան հոգեկան առողջության կենտրոն»-ի ևս մեկ բաժանմունք

Հիմնովին վերանորոգվել և վերազինվել է առողջապահության նախարարության «Ավան հոգեկան առողջության կենտրոն»-ի ևս մեկ բաժանմունք:

Այս մասին տեղեկացնում է Առողջապահության նախարարությունը:

Տղամարդ պացիենտների համար հատկացված բաժանմունքում արդեն առկա են բոլոր պայմանները արժանավայել ու որակյալ ստացիոնար բուժօգնություն ստանալու համար:

Շինարարության և վերազինման համար Կառավարությունը հատկացրել է 62.5 մլն ՀՀ դրամ։

Նախորդիվ վերանորոգվել էր նաև կենտրոնի արտահիվանդանոցային, ինչպես նաև նևրոտիկ բնույթի հոգեկան առողջության խնդիրներ ունեցող անձանց բուժման համար նախատեսված բաժանմունքները: