Կոմիտասի շուկայի սեփականատեր «Յունիոն-Սերվիս» ՍՊ ընկերությունը հայտարարություն է տարածել, որտեղ ասվում է, որ Կոմիտասի շուկայի պատմամշակութային շենքն արտաքին միջամտության չի ենթարկվի։
«Հաշվի առնելով շուկայում առևտրով զբաղվող բազմաթիվ առևտրականների խնդրանքը Երևանի քաղաքապետ Տիգրան Ավինյանի միջնորդությամբ ընկերությունը որոշում է կայացրել առնվազն 3-5 ամսով հետաձգել շուկայի վերանորոգման աշխատանքները, առևտրականների` այլ առևտրի իրականացման վայր տեղափոխվելն առավել սահուն իրականացնելու համար:
Հաշվի առնելով վերջին շրջանում մամուլում տարածվող մի շարք կեղծ տեղեկությունները` հարկ ենք համարում նշել․
1. Կոմիտասի շուկան ամբողջությամբ պատկանում է ՀՀ քաղաքացի Գրիգոր Տեր-Ղազարյանին, որևէ այլ ազգի ներկայացուցիչ չունի սեփականության որևէ բաժնեմաս:
2. Շուկայի շենքը մասնավորեցվել է 30 սեպտեմբերի 2002թ., այժմյան սեփականատերն այն ձեռք է բերել մասնավոր անձանցից 1 սեպտեմբերի 2022թ.:
3. Շուկայի շենքին հարող կիսախարխուլ բացօթյա առևրի տաղավարներն արդեն ապամոնտաժվել են և պլանավորվում է կառուցել ժամանակակից շինություն, որը նոր տեսք կհաղորդի Կոմիտասի պողոտային, իսկ Կոմիտասի շուկայի պատմամշակութային շենքն արտաքին միջամտության չի ենթարկվի»,- ասվում է ընկերության տարածած հաղորդագրության մեջ։
Բաց մի թողեք
Ավտոստոպով Վրաստանից Հայաստան եկած աղջկան չեն գտնում. Լուսանկար
Բախվել են «BMW X3»-ն ու «Honda Fit»-ը․ ամուսինները տեղում, իսկ 7-ամյա տղան հիվանդանոցում մահացել են. Լուսանկար
Մեքենան մխրճվել է կայանված բեռնատարի կցորդիչի մեջ․ ամուսիններն ու անչափահաս 3 երեխաները տեղափոխվել են հիվանդանոց․ Լուսանկար