Էկոնոմիկայի նախարարությունն արտահանման ռազմավարություն է մշակել։
«Արմենպրես»-ի հաղորդմամբ՝ այս մասին ասաց Էկոնոմիկայի նախարար Գևորգ Պապոյանը՝ ԱԺ մշտական հանձնաժողովների համատեղ նիստում «ՀՀ 2023 թվականի պետական բյուջեի կատարման մասին» տարեկան հաշվետվության քննարկմանը:
«ԱՄՆ միջազգային զարգացման գործակալության և Եվրամիության աջակցությամբ միջազգային և հայաստանյան փորձագետները բավականին խորը հետազոտություն են արել և ի հայտ են բերել բոլոր այն ապրանքները, որոնք ունեն արտահանման ներուժ, ընդ որում աշխարհագրական տարբեր ուղղություններով՝ Մերձավոր Արևելք, Չինաստան, Եվրամիություն, ԱՄՆ, Ռուսաստան և այլն»,- ասաց Պապոյանը։
Նա նշեց, որ բոլոր ապրանքները բաժանվել են չորս մասի՝ գործող ապրանքներ-գործող շուկաներ, գործող ապրանքներ-նոր շուկաներ, նոր ապրանքներ-գործող շուկաներ, նոր ապրանքներ-նոր շուկաներ։
«Ուսումնասիրվել են աշխարհի բազմաթիվ երկրներ, որոնք մեր նման տնտեսություն ունեն՝ ինչ ենք մենք արտադրում, ինչ են իրենք արտադրում»,-նշեց Պապոյանը։
Նրա խոսքով՝ ներկայում ռազմավարությունը փորձաքննության է ենթարկվում փորձագիտական խմբերի կողմից, որից հետո այն կլրամշակվի և կուղարկվի Ազգային ժողով։
Բաց մի թողեք
Ինչու ինքնաթիռները չէին կարողանում վայրէջք կատարել «Զվարթնոց» օդանավակայանում
Հայ գործարարների բաց նամակը Նիկոլ Փաշինյանին․ Ով դու, առաջնորդներից մեծագույնը, առաջնորդների առաջնորդը, խաղաղության խաչասերում ․․․
Ճանապարհ բացելու այս PR-ի պատճառով Ռուսաստանը բարձրացրել է ՀՀ-ին մատակարարվող ցորենի գինը