Անցած շաբաթ Վահան Քերոբյանի մեղադրանքը փոփոխվել է, և այլևս նշված՝ «պետությանը պատճառված հանրային վնասը» հանվել է մեղադրանքի ձևակերպումից:
Այս մասին հայտարարել են ՀՀ էկոնոմիկայի նախկին նախարար Վահան Քերոբյանի պաշտպանները՝ հավելելով, որ «Սիներջի»-ի գործով 6 մեղադրյալներից մեկն արդարացվել է, մյուսները՝ կիսով չափ, այսինքն՝ քրեական հետապնդումը դադարեցվել է՝ մեղսագրվող արարքը կատարված չլինելու հիմքով:
Ավելի վաղ ՀՀ գլխավոր դատախազությունից «Հայկական ժամանակ»-ին հայտնել էին, որ նախկին փոխնախարարը, Ալեն Սիմոնյանի հարսը և մյուսները ընդունել են մեղքը. նրանց նկատմամբ քրեական հետապնդումը դադարեցվել է:
Հիշեցնենք՝ էկոնոմիկայի նախկին նախարարի նկատմամբ քրեական հետապնդում էր հարուցվել էկոնոմիկայի նախարարության կարիքների համար ծառայության ձեռքբերման մրցույթի ընթացքում առերևույթ չարաշահումների գործով:
Փետրվարի 16-ին Հակակոռուպցիոն դատարանը Քերոբյանի նկատմամբ որպես խափանման միջոց 2 ամիս ժամկետով տնային կալանք կիրառելու որոշում էր կայացրել, ապրիլի 13-ին խափանման միջոց տնային կալանքը երկարաձգվել է ևս երկու ամսով։
Քերոբյանը չի ընդունում իրեն առաջադրած մեղադրանքը:
Բաց մի թողեք
Մահվան ելքով վրաերթ կատարած և փախուստի դիմած վարորդը ձերբակալվել է
Արարատում 13-ամյա աշակերը դանակահարել է նույն դպրոցի 14-ամյա պատանուն
16-ամյա աղջնակը, ում նկատմամբ բռնություն է կիրառվել, տեղափոխվել է «Մուրացան» մանկական հիվանդանոց