Հունիսի 12-ին, արտառոց դեպք է տեղի ունեցել Երևանում։
Ժամը 00։50-ի սահմաններում ՀՀ ներքին գործերի նախարարության ոստիկանության Երևան քաղաքի վարչությունում և ոստիկանության Արաբկիրի բաժնում օպերատիվ տեղեկություններ են ստացվել, որ Կոմիտասի պողոտա 55 շենքում գողության փորձ կատարողը վիրավոր ընկած է բնակիչներից մեկի պատշգամբում։
Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել են ոստիկանության Արաբկիրի բաժնի պետ Ռուբեն Ներսիսյանը, բաժնի պետի օպերատիվ գծով տեղակալ Սերգեյ Մամիկոնյանը։
Օպերատիվորեն ժամանել են նաև ՀՀ ՆԳՆ փրկարար ծառայության Երևանի թիվ 5-րդ հրշեջ փրկարարական ջոկատից՝ 1 մարտական հաշվարկ։
Ժամանել են նաև հատուկ նշանակության փրկարարական աշխատանքների իրականացման կենտրոնի հատուկ փրկարարներն ու Երևանի 1-03 շտապօգնության բժիշկների հերթապահ խումբը։
Բժիշկները տեղում անհրաժեշտ բուժօգնություն են ցուցաբերել վիրավորին, ինչից հետո փրկարարները, պարեկերն ու ոստիկանները պատգարակով նրան իջեցրել և մոտեցրել են շտապօգնության ավտոմեքենային, ով ծայրահեղ ծանր ախտորոշամբ տեղափոխվել է Հերացու անվան թիվ 1 համալսարանական հիվանդանոց։
Պարզվել է, որ այդ քաղաքացին ՀՀ Արդարադատության նախարարության «Արմավիր» քրեակատարողական հիմնարկում հաշվառված 51-ամյա Իսահակ Ա․-ն է, ով Կոմիտասի պողոտա 55 շենքի տանիքից գողության անելու նպատակով ցանկացել է պարանի օգնությամբ գաղտնի մուտք գործել նշված շենքի 3-րդ հարկի 7-րդ բնակարան, սակայն վայր է ընկել և չի կարողացել հանցագործությունը ավարտին հասցնել։
Ֆոտոլրագրողի տեղեկություններով՝ նշված տան սեփականատեր, Երևանի բնակիչ 49-ամյա Արթուր Հ․-ն կատարվածի մասին արդեն հողորդում է ներկայացրել ոստիկանության Արաբկիրի բաժին։
Դեպքի փաստով Արաբկիրի քննչական բաժնում նախաձեռնվել է քրեական վարույթ, իսկ կասկածյալը հիվանդանոցում վերցվել է ոստիկանների հսկողության տակ։
Բաց մի թողեք
Արմավիրում զինված անձը կրակել է ոստիկանների ուղղությամբ. մեկ ծառայող զոհվել է, մյուսը՝ տեղափոխվել հիվանդանոց
Կնոջը հրավիրել են ամառանոց և փորձել բռնաբարել․ կրակոցներ են հնչել
«Անպիտան հրթիռների» գործով մեղադրյալ, ԶՈՒ ավիացիայի նախկին պետն ու նրա ընտանիքի անդամները կանչվել են դատախազություն. Լուսանկար