16/07/2024

Ադրբեջանը չի պատասխանել ՀՀ-ի` 1 ամսում խաղաղության պայմանագրի ստորագրման առաջարկին, նոր պահանջներ է առաջադրել. Միրզոյան

Հայաստանը դեռ պատասխան չի ստացել Ադրբեջանից ավելի վաղ արված առաջարկին՝ մեկ ամսից ամփոփել և ստորագրել խաղաղության պայմանագիրը։

Այս մասին Վիլնյուսում՝ իր լիտվացի գործընկերոջ հետ ճեպազրույցի ժամանակ, ասել է ՀՀ ԱԳ նախարար Արարատ Միրզոյանը։

«Երեւանը կարևոր է համարում համաձայնագրի կնքման շուրջ բանակցությունների ավարտը և իր հերթին պատրաստ է այն ստորագրել մեկ ամսում»,- հիշեցրել է նախարարը՝ ընդգծելով. «Բացի այն, որ Բաքուն դեռ չի արձագանքել, նաև նոր պահանջներ է առաջադրում, որոնք առնվազն հարցեր են առաջացնում Ադրբեջանի անկեղծության և տարածաշրջանում խաղաղության հասնելու ցանկության առումով»:

Հիշեցնենք՝ հունիսի 12-ին ԱԺ-ում՝ լրագրողների հետ զրույցում, վարչապետ Նիկոլ Փաշինյանը հայտարարել էր, որ Խաղաղության պայմանագրի՝ այս պահին եղած տեքստը բավականին հասունացած է, և այն Հայաստանը պատրաստ է մեկ ամսվա ընթացքում ստորագրել: