Ռուսաստանի Անվտանգության խորհրդի նախագահ Դիմիտրի Մեդվեդեւը Վլադիմիր Պուտինի Փհենյան եւ Հանոյ այցին ընդառաջ թելեգրամ-ալիքում գրել էր, որ անհրաժեշտություն է, որպեսզի դաշնակից երկրները ամենաժամանակակից սպառազինություններ ստանան:
Պուտինը դեռեւս ուղեւորության մեջ էր, երբ հայտնի դարձավ ռուս-հյուսիսկորեական «Համապարփակ ռազմավարական համագործակցության մասին» պայմանագրին Հարավային Կորեայի արձագանքը: Սեւուլը հայտարարեց, որ կխստացնի Ռուսաստանի դեմ տնտեսական սահմանափակումները եւ կվերանայի Ուկրաինային սպառազինություններ չմատակարարելու դիրքորոշումը:
Այդ պայմանագրում որեւէ նոր բան չկա, քան այն, ինչ սահմանված է 1962թ. ԽՍՀՄ-ի եւ ԿԺԴՀ միջեւ պայմանագրով է նախատեսված,- Կիմ Չեն Ընի հետ պայմանավորվածությունների մասին ասել է Ռուսաստանի նախագահը, բայց Սեուլը պահանջում է թափանցիկություն:
Արեւմտյան աղբյուրները ենթադրում են, որ Ռուսաստանը «մտադիր է Հյուսիսային Կորեային հիպերձայնային հրթիռներ տրամադրել, որոնք կիրառվում են միայն արբանյակային կառավարմամբ»: Պայմանականորեն ասում է, խոսքը «Կինժալ» հրթիռների մասին է, որոնց կիրառումը կառավարելու համար Մոսկվան Հյուսիսային Կորեային «նաեւ տիեզերական տեխնոլոգիաներ կտրամադրի»:
Արեւմտյան ճամբարի մտավախությունը, որ ժամանակակից սպառազինությունների դիմաց Կիմ Չեն Ընը ԿԺԴՀ կենդանի ուժ կուղարկի ուկրաինական ռազմաճակատ, իրականությանը չեն համապատասխանում,- գրում է ՌԻԱ-Նովոստիի մեկնաբանը:
Նման դեպքերում ընդունված է ասել, որ հերքումն ավելի շատ հաստատման է նման, որովհետեւ պատերազմի մի փուլում, երբ վճռորոշ է կողմերի տեխնոլոգիական մրցակցությունը, Մոսկվան Փհենյանից այլ ակնկալիք պարզապես չի կարող ունենալ:
Արեւմտյան մամուլը Պուտինի Փհենյան եւ Հանոյ ացը բնորոշել է «Հուսահատների ակումբ» ձեւավորելու փորձ: Այն, ըստ այդմ, կհաջողվի, եթե Իրանում նախագահական ընտրություններից հետո «Համապարփակ ռազմավարական համագործակցության մասին» պայմանագրի քննարկումները վերսկսվեն եւ հաջողությամբ պսակվեն:
Այս ֆոնին Ռուսաստանի Անվտանգության «դաշնային ծառայությունում» շատ նշանակալի փոփոխություն է տեղի ունեցել: Տարիքային առավելագույն՝ 70-ամյա շեմը հատելու հիմնավորմամբ պաշտոնից ազատվել է հինգերորդ ծառայության պետ գեներալ-գնդապետ Սերգեյ Բեսեդան: Այդ ծառայությունը զբաղվում է ներքին եւ ԱՊՀ երկրների տարածքի մասին տեղեկատվության հավաքագրմամբ: Ըստ երեւույթին, Կրեմլում դժգոհ են պոստխորհրդային երկրների վերահսկողությունը «ձեռքից բաց թողնելու» համար:
Կարելի է կանխատեսել, որ ՀԱՊԿ-ը կորցրել է ակտուալությունը: Մոսկվայում մշակվում կամ արդեն իսկ մշակվել է պոստխորհրդային ամբողջ տարածքի անվտանգային ներկալման հայեցակարգ: Բայց ո՞վ կհամաձայնի ռուսաստանյան կառավարման «Կինժալ» ստանալու դիմաց փաստացի վերածվել ուկրաինական, իսկ գլոբալ առումով՝ Ռուսաստան-ՆԱՏՕ պատերազմի կողմ:
Ընդ որում՝ Ռուսաստանի տեխնոլոգիական սպառազինությունների «աբոզին կապած մսացու անասունի կարգավիճակով,»: Ռուսաստանյան փորձագիտական հանրությունն ուկրաինական պատերազմն արդեն անվանում է «Ռուսաստանի դեմ Արեւմուտքի ռազմավարական հարձակում.
Բաց մի թողեք
Ալիևի անհավատալի արկածներն Իտալիայում՝ ոչ միայն որպես Ադրբեջանի նախագահ, այլև՝ ՌԴ նախագահի «լիազոր ներկայացուցիչ»
Մոսկվան Ադրբեջանի եւ Թուրքիայի հետ որեւէ «ոչ պակաս ընդգրկուն» պայմանավորվածությամբ չի հարվածի «թիկունքից»
«Դիմադրության» շարժման «սրբազան» շարունակությունը․ առաջիկա հավաքին իրական շահառուները դուրս կգա՞ն «փարդի հետևից»