Մախաչկալայում և Դերբենտում ավարտվել է հակաահաբեկչական գործողությունը
Չեղյալ է հայտարարվել իրավական ռեժիմը՝ կապված «քաղաքացիների կյանքին և առողջությանը սպառնացող վտանգների վերացմանը»: Հայտնել է Ազգային հակաահաբեկչական կոմիտեն։
Մախաչկալայի սինագոգում, որը երեկ հարձակման է ենթարկվել, կոտրվել են ապակիները, ներսում հրդեհ է եղել
Ահաբեկիչները հարձակվել են նաեւ քաղաքի ուղղափառ եկեղեցու վրա։ Այդ ընթացքում սպանվել է ավելի քան 15 ոստիկան և մի քանի խաղաղ բնակիչ։ Հինգ զինյալ վնասազերծվել է։
Դաղստանի Սերգոկալինսկի շրջանի ղեկավար Մագոմեդ Օմարովը, որի որդիները կարող էին առնչություն ունենալ ահաբեկչություններին, հարցաքննվում է: Այդ մասին հայտնել է ՌԻԱ Նովոստին՝ վկայակոչելով հանրապետության ուժային կառույցներում աղբյուրներին:
Աղբյուրի հաղորդմամբ՝ Օմարովը ձերբակալվել է:
Նախնական տեղեկություններով՝ նրա երկու որդիները մասնակցել են Մախաչկալայի հրաձգություններին:
Նշվում է, որ Օմարովը հրաժեշտ կտա պաշտոնին:
Դաղստանի ղեկավար Սերգեյ Մելիքովը հայտնել է, որ Դերբենտում և Մախաչկալայում արտակարգ դեպքից հետո օպերատիվ շտաբ է ստեղծվել:
Դաղստանում կիրակի երեկոյան ահաբեկչություն է տեղի ունեցել․ Դերբենտում մի խումբ զինված անձինք կրակ են բացել սինագոգի և ուղղափառ եկեղեցու ուղղությամբ, ինչի հետևանքով շենքերում հրդեհ է բռնկվել։
Նույն ժամանակահատվածում տեղեկություն է ստացվել նաև Մախաչկալայում ճանապարհային ոստիկանության պահակակետ վրա հարձակման մասին։ Բացի այդ, ևս մեկ հարձակում է տեղի ունեցել Սերգոկալա գյուղում, որտեղ ահաբեկիչները կրակել են ոստիկանական մեքենայի վրա՝ վիրավորելով մեկ ոստիկանի։
Ահաբեկչությունների հետևանքով զոհվել է ոստիկանության ավելի քան 15 աշխատակից և մի քանի քաղաքացիական անձ, այդ թվում՝ Դերբենտի ուղղափառ եկեղեցում ավելի քան 40 տարի հոգևոր ծառայութուն մատուցած հայր Նիկոլայը։
Այս մասին հայտնել է Դաղստանի Հանրապետության ղեկավար Սերգեյ Մելիկովն իր տելեգրամյան ալիքում հրապարակված տեսանյութում։
Մելիկովի խոսքով՝ Մախաչկալայում և Դերբենտում օպերատիվ մարտական գործողությունների ակտիվ փուլն ավարտվել է, ոչնչացվել է վեց ահաբեկիչ։ Նա նաև նշել է, որ Դաղստանում իրավիճակը գտնվում է պետական կառույցների և իրավապահների վերահսկողության տակ։
Շրջանի ղեկավարը հավելել է, որ հունիսի 24-ին,25-ին ու 26-ին Դաղստանում սգո օրեր են հայտարարվել։
Դաղստանի Հանրապետությունում հակաահաբեկչական գործողությունների ռեժիմ է սահմանվել, իսկ Քննչական կոմիտեն քրեական գործ է հարուցել «Ահաբեկչություն» հոդվածով։
Երկրում հակաահաբեկչական գործողության ռեժիմ է սահմանվել։
Հիշեցնենք՝ Դաղստանում կիրակի երեկոյան ահաբեկչություն է տեղի ունեցել․ զոհվել է ոստիկանության ավելի քան 15 աշխատակից և մի քանի քաղաքացիական անձ, այդ թվում՝ Դերբենտի ուղղափառ եկեղեցում ավելի քան 40 տարի հոգևոր ծառայութուն մատուցած հայր Նիկոլայը։
Բաց մի թողեք
Ալիևի անհավատալի արկածներն Իտալիայում՝ ոչ միայն որպես Ադրբեջանի նախագահ, այլև՝ ՌԴ նախագահի «լիազոր ներկայացուցիչ»
Մոսկվան Ադրբեջանի եւ Թուրքիայի հետ որեւէ «ոչ պակաս ընդգրկուն» պայմանավորվածությամբ չի հարվածի «թիկունքից»
«Դիմադրության» շարժման «սրբազան» շարունակությունը․ առաջիկա հավաքին իրական շահառուները դուրս կգա՞ն «փարդի հետևից»