21/07/2024

ԱՄՆ-ն վերահաստատում է աջակցությունը ՀՀ ինքնիշխանությանը և տարածքային ամբողջականությանը. Սամանթա Փաուերը ժամանել է Երևան

ԱՄՆ Միջազգային զարգացման գործակալության ղեկավար Սամանթա Փաուերը ժամանել է Երևան:

Գործակալության հայաստանյան առաքելությունը հայտնել է, որ այցի ընթացքում նա կհանդիպի պետական պաշտոնյաների, քաղաքացիական հասարակության ներկայացուցիչների, ԶԼՄ-ների և գործարար ոլորտի առաջնորդների հետ:

«Միացյալ Նահանգները վերահաստատում է իր հաստատակամ աջակցությունը Հայաստանի ժողովրդավարությանը, տնտեսական դիմակայունությանը, ինքնիշխանությանը և տարածքային ամբողջականությանը»,- առաքելության հաղորդագրության մեջ։

Ավելի վաղ հայտնել էինք, որ ԱՄՆ Միջազգային զարգացման գործակալության ղեկավար Սամանթա Փաուերը հուլիսի 8-ին այցելելու է Հայաստան: