Շների համար նախատեսված զբոսայգիներ՝ Երևանի բոլոր վարչական շրջաններում․ Տեսանյութ

Քանաքեռ-Զեյթուն, Արաբկիր և Շենգավիթ վարչական շրջաններում շների համար առանձնացված զբոսայգիներ են կառուցվել:

Խաղային գոտի, ջուր, ստվերի առկայություն. բոլոր վարչական շրջաններում զբոսայգիները միևնույն կառուցվածքի են:

Մինչև տարեվերջ նախատեսվում է 12 վարչական շրջաններում էլ այդպիսի զբոսայգիներ կառուցել, քանի որ առանձնացված տարածքներն ավելի են հեշտացնում կենդանասերների առօրյան:

Կենտրոն, Արաբկիր և Քանաքեռ-Զեյթուն վարչական շրջաններում քննարկվում է նաև երկրորդ զբոսայգին կառուցելու հնարավորությունը:

Երևանի քաղաքապետարանի «Յենդանիների խնամքի կենտրոն ՀՈԱԿ»-ի տնօրեն Հարություն Առաքելյանն էլ իր էջում նշել է շների համար նախատեսված զբոսայգիների երեք նոր հասցեն: Դրանք են՝

• Արաբկիր վարչական շրջան – Քանաքեռ ՀԷԿ-ի զբոսայգի:
• Շենգավիթ վարչական շրջան – Կոմիտասի անվան զբոսայգու վերջնամաս:
• Քանաքեռ-Զեյթուն Վարչական Շրջան – Մինաս Ավետիսյան պուրակ:

Մանրամասները՝ Երևանի քաղաքապետարանի տեղեկատվության վարչության տեսանյութում: