Հրդեհ է բռնկվել «Մերսեդես»-ում. այն վերածվել է մոխրակույտի․ Լուսանկար

Հուլիսի 18-ին խոշոր հրդեհ է տեղի ունեցել Երևանում։

Ժամը 21։20-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Շիրակի փողոցի թիվ 6 հասցեի մոտակայքում ավտոմեքենա է այրվում։

Մինչ հրշեջների ժամանումը՝ «Mercedes» մակնիշի ավտոմեքենայում առաջացած կրակի դեմ պայքարել են վարորդն ու քաղաքացիները, ապա ժամանած հրշեջները մարել են կրակը, սակայն ավտոմեքենան ամբողջությամբ վերածվել է մոխրակույտի։

Ըստ նախնական տեղեկությունների՝ տուժածներ չկան, սակայն դեպքի վայրում հավաքված քաղաքացիներից մի քանիսը հայտնել են, որ 1 հոգի տեղափոխվել է հիվանդանոց։