Հայաստանում Իրանի Իսլամական Հանրապետության դեսպանը հերքել է Իրանի և Հայաստանի միջև ռազմական պայմանագրի մասին տեղեկությունը:
Այս մասին «Ազատությանը» հայտնել են Իրանի դեսպանատնից:
Մեհդի Սոբհանիի համոզմամբ՝ այդ տեղեկատվության աղբյուրը ոչ հավաստի մի լրատվամիջոց է, որը հայտնի է Իրանի մասին միակողմանի վերլուծություններով և ոչ ճիշտ տեղեկություններ տարածելու պատմությամբ:
Նա ընդգծել է, որ այդօրինակ տեղեկություն տարածելու նպատակն է ազդել Իրանի և տարածաշրջանի երկրների միջև բարեկամական հարաբերությունների զարգացման վրա: Հայաստանում Իրանի դեսպանը շեշտել է, որ Թեհրանն աջակցում է Հարավային Կովկասում խաղաղության, կայունության և տնտեսական զարգացման հաստատմանը:
Հիշեցննեք՝ մամուլում տեղեկություններ էին շրջանառվում այն մասին, որ Հայաստանի Հանրապետությունն ու Իրանի Իսլամական Հանրապետությունը շուրջ 500 միլիոն դոլարի սպառազինության մատակարարման մասին խոշոր գործարք են կնքել:
Բաց մի թողեք
Հայաստանի անկումը հետևանք է բացառապես գաղափարազրկության. Էլբակյան
Ռուսաստանն ու Իրանը չեն վստահում Փաշինյանի իշխանությանը. Օսկանյան
«Իմ ինքնասպանությունից 50 օր առաջ». դիմում Աննա Վարդապետյանին