Իշխանությունը երկրում տիրող ծանր բարոյահոգեբանական մթնոլորտը որոշել է ցրել քեֆ-ուրախություններով։
«Հրապարակ» թերթը գրել է․ Հանձնարարվել է ՔՊ-ական համայնքապետերին՝ մեծ շուքով նշել իրենց համայնքների տոնը, մարդկանց ուրախացնել: Անցած շաբաթ Թալինում Տավրոս Սափեյանն է մեծ տոնախմբություն կազմակերպել:
«Է՛լ ուլ, է՛լ ոչխար, է՛լ խոզ, ինչ ասես՝ չէին մորթել․ ստամոքսի խանգարում ստացանք»,- կատակեց ՔՊ-ականը։ Խնջույքին մասնակցել են տեղի բնակիչները, կուսակցությունից ներկայացուցիչներ, պատգամավորներ: Բացօթյա միջոցառումից հետո էլ Սափեյանը տեղի ռեստորաններից մեկում է խնջույքը շարունակել:
Այս շաբաթ էլ Հրազդանի օրն են նշելու․ համայնքապետ Սեւակ Միքայելյանը՝ Սասուն Միքայելյանի որդին, ասում են, ոչ պակաս ճոխ պատրաստություն է տեսել եւ պատրաստվում է մեծ շուքով նշել քաղաքի 63-րդ տարեդարձը։
Բաց մի թողեք
ՔՊ-ում անհանգիստ են, մանրամասներ փակ նիստից
Հարցեր իսկապես շատ կան, բայց դրանց հասցեատերն առաջին հերթին օրվա իշխանությունն է
Դեսպաններից ոմանք քծնել են Փաշինյանին