Իսրայելի ռազմաքաղաքական կաբինետը հանդիպել է և որոշել՝ զանգվածային հարձակում է լինելու Լիբանանի վրա։
Ռազմաքաղաքական կաբինետի նիստը, որը տեւեց գրեթե երեք ժամ, ավարտվեց։ Որոշում է կայացվել Լիբանանում զանգվածային հարձակում իրականացնել. «Ընտրված թիրախը ռազմավարական էր, բայց սահմանափակ»։
Կառավարությունը լիազորել է վարչապետ Նեթանյահուին և պաշտպանության նախարար Գալանտին որոշումներ կայացնել Լիբանանում՝ Իսրայելի արձագանքի վերաբերյալ։
Հաղորդվում է, որ Սմոտրիչն ու Բեն-Գվիրը ձեռնպահ են մնացել։
Իսրայելական ինքնաթիռները շարունակում են պտտվել Լիբանանի կենտրոնական մասում։
Բելգիայի, Ֆրանսիայի և Նորվեգիայի արտաքին գործերի նախարարությունները Լիբանանում գտնվող իրենց քաղաքացիներին կոչ են արել անհապաղ լքել երկիրը։
Ֆրանսիայի ԱԳՆ-ն դատապարտել է հարձակումը Գոլանի բարձունքների վրա և իր քաղաքացիներին հորդորել հետաձգել Լիբանան, Իսրայել և Պաղեստին ուղևորությունները։
Բելգիայի ԱԳՆ-ի հայտարարության մեջ էլ ասվում է, որ Մաջդալ Շամս գյուղի ֆուտբոլի դաշտում հրթիռի հարվածից հետո խորհուրդ է տրվում չմեկնել Իսրայել, Երուսաղեմ և պաղեստինյան տարածքներ, ինչպես նաև Լիբանան։
Նմանատիպ հայտարարություն է տարածել նաև Նորվեգիայի ԱԳՆ-ը։
Հիշեցնենք, որ իրավիճակը սրվել է Իսրայելի և Լիբանանի միջև, այն բանից հետո երբ Իսրայելի ՊԲ-ն գիշերը հարվածեց Լիբանանին՝ ի պատասխան Մաջդալ Շամս գյուղի հրթիռակոծության, որի արդյունքում զոհվել է 12 երեխա:
Բաց մի թողեք
Դիլիջանի համայնքապետը շարունակում է շուկայականից էժան գներով հողեր օտարել. Լուսանկար
Կամչատկայում 3 օր անց հայտնաբերվել է անհետացած Ան-2 ինքնաթիռը. անձակազի բոլոր անդամները ողջ են. Լուսանկար
Սանկտ Պետերբուրգում ձերբակալել են բանկոմատի պայթյունի մեջ կասկածվող թոշակառուին